中秋團圓飯2024丨 精選6間有圓枱中菜餐廳推介 附中秋晚飯菜單 米芝蓮粵菜／燒鵝 ／咕嚕肉／ 炸子雞
中秋團圓飯2024丨 一年容易又中秋，中秋節是一家人團聚的重要日子，既然咁重要何妨揀間份外美味嘅中菜廳，同親友至愛一齊品嚐美酒佳餚。好分享文章小編精選出6間有大圓枱中菜餐廳，可以圍埋一齊邊食邊傾，分別係廚魔名人坊、生記及金紫荊生記、天寶閣、甘棠燒鵝、紅花匯以及聚興家。
中秋團圓飯2024丨廚魔名人坊 富豪家廚 米芝蓮1星粵菜
廚魔名人坊係有富豪家廚之稱嘅鄭錦富（富哥）以及「廚魔」梁經倫（Alvin Leung）合辦，是米芝蓮一星餐廳！富哥係已過世富豪林百欣既私人會所總廚，自家創作的名菜有燕窩雞翼、咕嚕肉、極品牛肉等。
小編親身食過廚魔名人坊的炸子雞，皮脆且簿，雞肉鮮嫩有汁，又不會見血水，真的是炸得剛剛好！聽講係用本地新鮮雞來製作，難怪特別有雞味！
中秋團圓飯2024丨廚魔名人坊中秋晚飯菜單
除了有恆常菜單，今次仲有埋中秋晚飯菜單添！
中秋團圓飯2024丨廚魔名人坊中秋佳節套餐
| 青瓜拼蔥油海蜇,酥炸鮮蝦丸,欖菜肉碎四季豆 |
| 杏汁燉白肺湯 |
| 燕窩釀鳳翼 |
| 脆皮炸子雞 |
| 家鄉蒸龍躉腩 |
| 富哥咕嚕肉 |
| 上湯蒜子浸時蔬 |
| 富哥招牌炒飯 |
| 十年陳皮紅豆沙 |
| 精美糕點 |
中秋團圓飯2024丨廚魔名人坊
地址：中環雲咸街1號南華大廈地庫
電話：28386629
營業時間：星期一至日12:00 – 15:00及18:00 – 22:00
中秋團圓飯2024丨生記及金紫荊生記 傳統家常粵菜vs 昇級精緻粵菜
生記已經創立近半個世紀，由家庭第二代接手好耐，第三代都馬上可以接手，佢地保持住傳統粵式酒樓嘅感覺，由知客、樓面到傳菜都做咗好多年，食物味道更加係傳統老式廣東菜嘅味道，好似蒸肉餅、煎藕餅、枸杞豬潤等，都是很家常嘅菜式，媽媽嘅味道融在其中。
而分店金紫荊生記則是由名廚洪家種師傅主理，將生記傳統粵菜提升至精緻粵菜，小編親自食過係食得出每口都係花了很多心機，味道豐富而層次分別！好似叉燒，佢揀咗用黑毛豬及焦糖處理手法，令叉燒做到肥瘦均勻又香口，仲帶少少甜味添！乳豬係用秘製醬料醃製約四至五斤重乳豬，以廣東烤乳豬方式，烤至脆口多汁。
中秋團圓飯2024丨生記中秋節套餐
中秋團圓飯2024丨金紫荊生記中秋節套餐
中秋團圓飯2024丨生記
地址：灣仔駱克道353號三湘大廈3樓
電話：25752236／25752239／51110276 (WhatsApp)
營業時間：星期一至六 12:00 – 15:00；18:00 – 23:00；星期日及公眾假期18:00 – 23:00
中秋團圓飯2024丨金紫荊生記
地址： 香港灣仔博覽道一號香港會議展覽中心博覽商場場
電話： 2582 7729／5697 3088 (WhatsApp)
營業時間： 星期一至日1130分 – 1530；1800－2300
中秋團圓飯2024丨天寶閣 點心出色 海味專家
天寶閣喺喜來登酒店入面，係好多闊太去飲茶嘅地方，因為佢點心好有名氣，其實晚飯都唔錯架！總廚陳偉傑師傅主理，生於海味生意的家族，所以挑選同運用名貴海味食材特別有心得，所以今次中秋節套餐特別多海產，好似有上湯焗龍蝦、清蒸東星斑、扣南非鮑魚，8個菜入面有3個都係海鮮／海味！天寶閣嘅炸子雞都出色，可以一試！
中秋團圓飯2024丨天寶閣中秋節套餐
| 海蜇乳豬件 |
| 上湯焗龍蝦窩巴 |
| 花膠椰皇無花果燉竹絲 |
| 蠔皇扣南非鮑魚伴花菇 |
| 清蒸東星斑 |
| 脆皮炸子雞 |
| 生炒臘味糯米飯 |
| 迷你中秋月餅 |
中秋團圓飯2024丨天寶閣
地址：尖沙咀彌敦道20號香港喜來登酒店2樓
電話：23691111
營業時間：星期一至六11:30 – 15:00；18:00 – 22:00；星期日及公眾假期 10:30 – 15:00；18:00 – 22:00
中秋團圓飯2024丨甘棠燒鵝
甘棠燒鵝係由鏞記甘氏族人Jacky與前鏞記燒味大廚棠哥聯手開設，兩位都係對廣東菜好有熱誠，棠哥自創既甘一刀，可以話已經跳出左叉燒既層次，將肥燶叉推到去一個新境界。
Jacky 更因為自細出入富貴之地，食過好多近乎失傳嘅傳統手工菜，好似江南百花雞，除咗用到花膠更重落入雞肉雞汁等老式食譜黎製作；呢度既煎釀鯪魚係先起出整片魚皮，打魚肉，再將鯪魚肉釀入入魚皮之內，出到黎係一條肉既樣，再煎及切片，呢種食法極功中菜師傳的心機及手工，真正既巧手菜！
中秋團圓飯2024丨甘棠燒鵝中秋節套餐
今次甘棠燒鵝無特別推出中秋節套餐，佢地既恆常菜式都夠大家試喇！
中秋團圓飯2024丨甘棠燒鵝
地址：銅鑼灣加路連山道88號南華體育會1樓
電話：35802938
營業時間：星期一至日 11:00 – 22:00
中秋團圓飯2024丨紅花匯 粵潮川滬一次過食
紅花匯係一間隱世既中菜廳，不過灣仔人就好多都識，尤其佢出名好多層又多房，好易可以包房食！大廚昌哥好細個已經入行，唔好睇佢幾後生，原來都入行廿幾年！佢十幾歲開始參加廚藝大賽已經不斷得獎，除左味道好食，仲因為佢人馬座性格好多鬼主意，將平平無奇既菜式，加入一啲前人無試過既味道，好似紅花匯既酸菜魚，佢用到唔同甜酸度既酸菜，令到呢味菜式特別多層次！
灌漿蘿蔔同出面既蘿蔔絲酥餅有少少似，但又不盡相同，聽名都知係會爆多汁又脆口。
中秋團圓飯2024丨紅花匯中秋節套餐
| 前菜 | 沙薑香蒜鮮魷
香油萵筍絲 冰鎮南片鮑魚片 灌漿蘿蔔 |
| 湯羮 | 螺頭花膠燉雞(黑蒜/鮮人参/姬蟲茸/翅群) |
| 主菜 | 蒜茸粉絲蒸開邊西澳龍蝦(另可選上湯/芝士)
鮮鳳梨咕嚕黑豚肉 清蒸海紅星班 吊燒南乳脆皮雞 上湯浸菜苗 |
| 主食 | 黑松露雞粒炒飯 |
| 甜品 | 蜂巢黑糖糕 |
中秋團圓飯2024丨紅花匯
地址：灣仔謝斐道303號凱聯6-9樓
電話：55055121
營業時間：星期一至日12:00 – 15:00；18:00 – 23:00
中秋團圓飯2024丨聚興家 廚房人既飯堂
聚興家一開始係好多廚房佬既宵夜飯堂，而家已經演變成好多香港人食宵夜既勝地，尤其係經營餐廳既夫妻檔好好客，你坐耐少少都好歡迎。老闆吳江橋師傳係老式人，不擅辭令，但同好多廚房大哥熟識，大師飲多幾杯就會過番幾度散手俾橋哥，令到佢既功力越黎越深厚！
吳師傳本身煮得一手好菜，尤其係炒鑊，鑊氣十足，入去廚房的話整晚都會聽到明火獨有既火氣聲，呢度既煎米粉、生炒骨都係招牌菜！
中秋團圓飯2024丨聚興家中秋節套餐
今次聚興家無特別推出中秋節套餐，可以試下佢地既恆常菜式！
中秋團圓飯2024丨聚興家
地址：太子砵蘭街418號地舖
電話：28386629
營業時間：星期一至日 12:00 – 00:00
同場加映：專利科技 8星期增強長者腿力
脈衝電磁場肌肉線粒體激活專利技術的儀器（BIXEPS）的核心科技，BIXEPS 發出的低頻磁場無需通過物理接觸就能滲透肌肉組織，從而刺激肌肉細胞內線粒體產生能量，達到有如運動般的效果。
經過每次10 分鐘、連續使用16 周後，驗血結果證實肌肉復原得更快，新陳代謝亦顯著改善。雖然這種方法並不能完全代替運動，但對較孱弱或已出現肌肉流失的人士，亦不失為一個激活肌肉的方法。
📍BIXEPS 服務地點:
⚡佐敦彌敦道333號加盛商業中心16樓全層 – 醫樂坊
⚡尖沙咀河內道5號普基商業中心10樓1001室 – Sport Release
⚡觀塘開聯工業中心B座5樓07室 – My Fitness
⚡中環昭隆街9號歐銀中心9樓 – 健臻綜合保健養生中心
⚡屯門建豐街4號悦品酒店地下3號舖 – 柏達磁力共振中心
如果未能出門？特設BIXEPS Express院舍或家居上門服務，歡迎聯絡我們了解更多詳情。 https://healthadvisor.hk/。
*以上內容只供參考，並非治療建議。本儀器並非用作診斷、治療、治理或預防任何疾病的醫療設備。如有任何疑問，請向專業醫護人員查詢。
*不建議有心臟起搏器的人士使用脈衝電磁場產品。
