最平$208就食到!精選任食大閘蟹放題

秋風起,又到了品嚐肥美大閘蟹的季節,多間餐廳最近推出大閘蟹放題或套餐,讓一眾蟹友一解蟹癮之餘,還可一併品嚐其他精選美食。不如趁著疫情稍緩,約齊三五知己去擦餐勁!

日式 – 瀛豐放題料理專門店

瀛豐放題料理專門店的「至尊大閘蟹放題」,每位 $409 ,就可以兩小時任食三兩半至四兩有膏大閘蟹,還有刺身、泰國料理、燒北海道大元貝和大隻海蝦可供選擇。

圖:瀛豐放題料理專門店 facebook

瀛豐放題料理專門店
地址:銅鑼灣駱克道 491-499 京都廣場 10 樓全層
電話:9690-1733

韓式 – 韓牛牧場

韓國燒肉餐廳推出兩款大閘蟹放題,包括「升級放題 – 大閘蟹 + 世子牛盛放題」和「豪華升級放題 – 大閘蟹 + 牛皇 & 豬后盛放題」,兩款放題的任食時間均為 120 分鐘。除了任食大閘蟹,還有 7 款新鮮海鮮、9 款前菜、 9 款蔬菜、15 款刺身、赤醋壽司,還有免費享有三款極上定量製作刺身及海鮮拼盤。至於韓食方面,則有 8 款韓式主食、韓湯、炒年糕、炒粉絲、辛辣炒魷魚鬚、泡菜豚肉炒飯、東大門炒烏冬和 4 款韓湯。顧客可以任飲汽水,加 $28 可享生啤、燒酒放題,加 $38 可享生啤、燒酒、清酒梅酒放題。

圖:韓牛牧場 facebook

韓牛牧場
地址:銅鑼灣登龍街 28 號永光中心 3 樓
電話:6023-0188

越式 – Pho 星登陸越球

新派越式料理店 Pho 星登陸越球的大閘蟹放題,採用江蘇大閘蟹,設有三至六兩三個重量,每位 $353 起, 88 分鐘任食大閘蟹、越南菜,以及蟹粉小食,例如蟹粉花枝丸、蟹粉水餃、滑嘟嘟蟹粉鴨血和蟹粉粥,每位加 $48 更可以無限飲話梅花雕王、紅白餐酒和啤酒。

圖:Pho星登陸越球 facebook

Pho 星登陸越球
地址:九龍灣展貿徑 1 號 E-Max 國際展貿中心 2 樓 25 號舖
電話:3460-3682

台式 – 等等 Hea

台式餐廳等等 Hea 豪推同樣是推出「88 分鐘無制限大閘蟹台式小食放題」,每位 $353 起任江蘇大閘蟹,價錢以大閘蟹重量劃分,除了有蟹粉花枝丸、台式腸蟹粉糯米飯、一口蟹粉鴨血和生滾大閘蟹粥一類的蟹粉小食任食,還可以品嚐士林鹽酥雞、厚燒鰻魚、萬華街蚵仔滷肉飯、阿等麵線、196 薑茶芋圓、196 花膠鮮奶芋圓等一系列台式小食。廢水 (黑糖珍珠奶茶、奶蓋白桃烏龍茶、菠蘿四季春) 同樣是無限量供應,顧客亦可每位加 $48 任飲話梅花雕王。

圖:等等 Hea facebook

等等Hea
地址︰九龍城福佬村道 41 號地下
電話:2383-1766

港式 – 龍井

龍井推出的「大閘蟹放題」,大閘蟹任食每位 $208 起,每位客人只需消費大閘蟹煲仔飯或砂鍋粥一個,就可以加錢任食大閘蟹,以及任飲汽水和薑茶,顧客亦可以再加 $38 ,任食豬、牛、雞、羊串燒。

圖:龍井 facebook

龍井
地址:荃灣聯仁街28號康睦庭園地下
電話:2718-8988

想買大閘蟹返屋企慢慢歎?又想要食得開心又放心?食物安全中心提醒市民,無論是到門市還是網上購買大閘蟹,都一定要光顧可靠和領有介貝類水產動物(大閘蟹)售賣許可證的商戶,以保障自己和家人,有關名單可以在食安中心網頁查找。

  • 持許可證售賣限制出售食物的處所名單【按此】,點選「介貝類水產動物(大閘蟹)售賣許可證」
  • 網上銷售限制出售食物許可證的名單 【按此】,點選「介貝類水產動物(大閘蟹)」
圖:食物安全中心 facebook

而在揀選蟹和食蟹的時候,食安中心就提醒大家要記住「三不」:

  • 不買死蟹:要揀選生猛、外殼有光澤的大閘蟹。大閘蟹含豐富蛋白質,蛋白質會在蟹死後迅速分解,有利細菌大量繁殖,令蟹變壞。
  • 不能生吃:買回來的大閘蟹應盡快處理和煮熟,如果不是即煮,就要將大閘蟹放在有蓋的容器內再放入雪櫃,跟其他熟食和即食食物分開擺放,避免交叉污染。煮蟹前,用刷和清水將蟹的身、爪和鉗洗乾淨。大閘蟹可能有寄生蟲和致病菌,所以一定要徹底煮熟才進食,食之前亦要清除內臟。
  • 不應多吃:大閘蟹的蟹黃或蟹膏含有較高的膽固醇,大家要注意均衡飲食,不要一次過食太多蟹。

卡比

食量同卡比獸一樣大,夢想:食、玩、瞓、煲劇、旅行無限 loop。