母親節係要送花同禮物，今年加多少少新意！一於送媽咪一個新形象、即係 2022 年最新髮型。假如媽咪平時唔多留意潮流打扮，唔使驚，佢一定有煲劇，就問佢最近鍾意邊個中、台、日、韓劇集女演員嘅髮型，小編以下亦會介紹幾款 2022 年大熱款式，媽咪換個新形象睇落年輕啲，最開心嘅可能係爹哋啊！

大多數媽媽、尤其係家庭主婦都唔太鍾意打扮，長髮還是短髮好？直髮還是曲髮？要不要瀏海？如何打造層次感？簡單一啲，韓式漂染、日系髮型或歐美電髮？小編集合多款時尚中年婦女髮型，分別推介中長髮及中短髮款式，配合內彎或外翹髮尾，髮型更注重光澤感，復古造型持續大勢，媽媽們肯定讚嘆不已！

1. 俐落短髮媽媽

短髮對媽媽來說，就係清爽、方便嘅代名詞，好多職場媽媽優先選擇短髮，簡單而精準嘅剪裁令人睇起嚟清新俐落，都唔需花太多時間整理保養，非常適合生活忙碌嘅媽媽們，加上夏天炎熱，短髮會非常涼快。不過，短髮要剪得好睇都唔係一件容易嘅事，睇睇以下邊款短髮最適合你媽咪。

1a. 外翹短髮

外翹短髮髮型，喺髮尾輕輕燙卷，髮尾就會外翹起來，即時突顯氣質，搭配齊劉海，髮型睇起嚟更有潮流感，齊耳設計嘅長度又可遮住臉部圓肉，睇落會瘦一啲。

1b. 內扣短髮

內扣短髮長度不適合過長，只要喺下巴以上嘅長度就啱啱好，年齡超過 40 歲嘅女士換上一款內扣短髮，睇起嚟更有氣質，年齡要減 5 至 8 年以上。

1c. 小卷燙短髮

唔少女士有脫髮或頭髮稀疏問題，小卷燙短髮齊耳嘅長度，睇起嚟別有一番風味，佢係一款不限年齡嘅髮型，無論咩臉型都能夠駕馭呢款小卷燙短髮。

1d. 日系極短髮

一個字：型！

2. 溫柔中長髮媽媽

中長髮帶畀人溫柔婉順嘅印象，最適合四十餘歲嘅輕淑女，想留返長頭髮或希望多啲女人味，但又唔希望留太長整理耗時嘅媽媽們就最啱，所謂「進可攻、退可守」，之後長短皆可，係唔少婦女嘅絕佳選擇。

2a. 中長髮八字瀏海

八字瀏海特別受韓國女士歡迎，亦特別適合顴骨寬或面圓嘅女士，只要瀏海長到眼睛上少少就夠，而八字瀏海嘅重點係利用捲髮棒將瀏海喺顴骨位置往外捲，形成一個「八」字，能即時修飾高大顴骨，令五官輪廓變得和諧。

2b. 中長髮空氣瀏海

假如媽媽臉型比較闊、額又有點高，咁空氣瀏海就好適合佢啦！只需取出少許髮絲，輕輕剪薄剪短，就能夠修飾臉型，並做到逆齡效果。不論係盤起頭髮，抑或少女感放下長髮，都讓五官更加突出和鮮明，最重要係臉型立即變細。

3. 浪漫長髮媽媽

邊個話媽媽唔可以擁有公主嘅浪漫長髮？只要有心機同時間打理，就有好似歐美女士嘅經典長曲髮，展現出女性特有嘅柔美氣質。

3a. 挑染長直髮

3b. 挑染長曲髮

4. 大膽玩色媽媽

染髮好普通啫！追上潮流嘅潮媽可以變身大膽色系，不只亮麗多變，髮色仲可以畀人獨特耀眼嘅感覺！金、紅、紫、青、銀隨你喜愛，最緊要係有時間做漂染同搵值得信賴、有經驗嘅髮型師操刀，媽媽瞬間再減齡 10 年以上，到時拍住媽咪一齊姊妹檔出街。