大埔同信燒烤 近年愈做愈旺！無計！佢嘅任飲係堅吸引，而且食物種類多。不過，因為多人去咗，所以而家想去，係要預先Book位！想知同信幾錢位！有乜吸引你去嘅原因？喺同信泊車要注意乜。哩篇文一一話你知。

大埔燒烤同信士多BBQ收費表

大埔同信士多BBQ價錢

● 大埔同信燒烤場平日成人收費：120至180元；
● 大埔同信BBQ場平日小童收費：80至120元；
● 大埔同信士多假日成人收費：180至190元；
● 大埔同信燒烤場假日小童收費：120元；
● 租爐費：5人起免費用1爐，否則租爐費50元。

龍尾灘公眾停車場收費

星期一至五（假日除外）收費

● 08:00至20:00首2小時每半小時5元；
● 08:00至20:00其後每半小時7.5元；
● 20:00至08:00每半小時5元。

星期六至日收費

● 08:00至20:00首2小時每半小時20元；
● 08:00至20:00其後每半小時30元；
● 20:00至08:00每半小時5元。

大埔同信燒烤5大特色

1.面對龍尾灘唔驚無廁所

好多人BBQ，都鍾意直接用手食，同信就有大大嘅位置俾你食完洗手。而且，現場仲有兩個獨立流動廁所，男女各一。如果爆咗，同信燒烤對面就係龍尾灘，有公眾洗手間，行過條馬路就到，唔駛同人爭。

2.同信BBQ飲品任飲

好多BBQ場嘅飲品係要收錢，但同信士多就大部分任飲，種類好多，有可樂、雪碧、芬達、7up、楊協成、王老吉、維他奶、酸梅湯、蔗汁、菊花茶、青檸及檸檬味道氣泡水等等，仲有平價啤酒（例如ICE、嘉士伯等）都係免費提供。至於要俾錢嘅，就有藍妹、黑啤、寶礦力、韓國真露、紅酒、道地飲品及津路烏龍茶。

3.同信BBQ飲品任飲

傳統燒烤係要用叉拮住食物，慢慢轉熟佢。同信就用高腳燒烤爐，爐上鋪咗鐵網，嘢食又預先拮好晒，你只需用鐵夾夾住食物上去燒就得。

4.有私人泊車場

同信士多位於大尾篤嘅龍尾灘對面，有巴士去到。如果有車，梗係自駕遊啦！同信隔離有停車場，不過呢個場同同信冇關係！小編上網搵過，有網民話晚上8點前到，就每小時收30元，晚上8點後就一個鐘收10元，車主要俾低100元做按金。該網民燒到凌晨12點先走，當時車場負責人已經走咗，所以哩100元就當停車費，由於佢晚上7點半已經泊咗車，即係泊4.5小時要100元，都算幾貴。

5.食物多元化

同信食物多，而且係醃好拮好，放喺急凍櫃！疏菜有翠玉瓜、娃娃菜、蕃薯、金菇、秀珍菇、手切菠蘿同茄子，跟住又有勁多調味料你揀，俾你好似去食串燒咁。小編就推介以下食物，海鮮有大水魷、青口（尤其灑上蒜蓉再燒），一般肉類必試黑椒雞腎、秘製豬頸肉、香茅雞中翼。講開雞翼，哩度都有6到7款口味你揀。仲有沙嗲雞肉、沙嗲豬肉串燒。最後，要試佢哋用葉包住嘅魚肉，係香辣嘅東南亞風味。

大埔BBQ同信士多小資料 (必須Book位)

● 電話：6631 6668 或 6596 0830
● 網址：https://www.yl.hk/tssbbq/
● 位置：大尾篤龍尾灘後方
● 可前往交通工具：於大埔墟東鐵站轉乘九巴 75K / 275R（假日），於蘆慈田巴士站落車，車頭方向步行1分鐘；或20C 專線小巴 （同信士多落車 ）

如果你想最近香港有甚麼好玩，可以click入來看小編更多介紹！