譚仔30周年巡禮登陸黃大仙 麻辣老婆餅聯乘恆香破格出擊

一碗米線，三十年回憶。譚仔雲南米線陪住不少香港人長大，由深水埗一間小店，慢慢發展成遍布各區的標誌性食店。趁住品牌三十周年，譚仔最近在黃大仙中心北館搞了個「老地方‧新感動 譚仔三十周年美食巡禮展」，五大體驗區有經典味道，也有意想不到的驚喜。當中最矚目的，要數他們首度跟本地老字號恆香老餅家聯乘，推出限定麻辣老婆餅，把兩種港人最熟悉的味道放在一起，引來大批粉絲朝聖，齊齊回味那些年的譚仔時光。

五大主題展區 重溫三十年譚仔故事

走進黃大仙中心北館中庭，開放式空間用上品牌標誌性的綠色和黃色貫穿全場，正中央放了張巨型譚仔標誌餐桌，即時成為打卡熱點。圍繞四周的五大體驗區各有睇頭，讓訪客自由穿梭，一次過感受這個米線傳奇的變與不變。

先由「經典譚仔味區」帶大家回到原點，重溫那碗無可替代的「啖啖譚仔味」。1996年深水埗第一間店開業，首創將大地魚湯的鮮甜、川湘滇香料的火辣，結合車仔麵式自選配料，這份原創湯底從此奠定了港式米線的獨特風格。另一邊廂，「破格滋味區」展示品牌三十年來的創新足跡，由當年大膽策劃的《譚仔有嘻哈》、咖哩湯米線，到進軍深圳市場的企劃，每個項目都記錄著品牌不甘守舊的決心。

百年老字號聯乘 麻辣老婆餅驚喜亮相

全場焦點當然是「譚仔 x 恆香聯乘區」。土生土長的恆香老餅家，招牌老婆餅早就深入民心，今次兩個陪住港人數十載的品牌首度合作，將譚仔招牌麻辣注入恆香的傳統冬蓉餡，外層酥皮一咬即化，內餡微辣回甘，巧妙平衡麻辣與甜香。現場試食過的市民都大呼過癮，有粉絲笑說：「平時食完米線要食甜品解辣，而家一件餅就搞掂晒！」這個破格聯乘只限活動期間發售，錯過了就未必再有機會試到。

星級嘉賓細數譚仔回憶 從一碗米線到平行時空的堅持

活動請來李佳芯（Ali）和馬國明親臨揭幕，二人分享與譚仔之間的集體回憶。Ali說得坦白：「入行前最開心嘅節目之一，就係同朋友去食譚仔。大家每次坐低都會先研究今日食咩餸、挑戰咩辣度，有時明明只係食一餐飯，最後竟然傾足成個下晝。而家諗返起，那些年一齊食譚仔嘅日子，都係好深刻嘅回憶。」她停在譚仔姐姐俄羅斯公仔打卡區時特別有感觸：「譚仔姐姐一直都係譚仔最有代表性嘅標誌之一，見到唔同造型嘅姐姐，就好似睇見大家喺人生唔同階段嘅模樣。原來一個品牌陪伴大家三十年，真係可以承載好多回憶同故事。」

Ali試食麻辣老婆餅後大讚這種創新精神：「我覺得香港人有一種好有趣嘅精神，就係總能夠將看似毫不相關嘅嘢擺埋一齊，最後變成屬於自己嘅特色。譚仔今次推出嘅麻辣老婆餅就係一個好好嘅例子，聽落好似好大膽，但正正因為夠創新，反而令人特別想試。」她更透露自己向來熱愛發掘新品，這次尤其期待譚仔與恆香這個聯乘組合：「兩個充滿香港特色嘅品牌走埋一齊，特別有意思。」

馬國明則笑言自己恍如搭上「時光機」，驚覺譚仔與自己的演藝路同樣走了近三十年。「譚仔由一間小店發展到今日嘅規模；而我自己由二十幾歲入行到而家，同樣喺演藝圈打拼咗接近三十年。我同譚仔各自喺平行時空度，堅持咗三十年，真係好有共鳴。」談到最難忘的合作，他即刻想起《譚仔有嘻哈》的「Understand Ma」角色，雖然事隔多年依然記憶猶新：「從來未試過有客戶咁大膽創新，竟然希望我表演Rap，當時嘅Rap我到而家都仲可以順口拈來，亦係自己演藝生涯第一次、亦係最後一次表演Rap，哈哈！」他坦言譚仔的創新精神啟發自己不斷求變：「演戲演咗咁多年，最怕就係停留喺舒適圈。見到譚仔三十年來不斷打破常規，我都成日提醒自己，喺戲劇生涯必須保持呢種創新思維同熱情，每一個角色都要尋求更大突破，先可以帶到新鮮感畀觀眾。」

限定周邊與慈善企劃 將譚仔味帶返屋企

「零售精品區」同樣人頭湧湧，去年瞬間被掃清的「譚仔雞肉炸醬罐頭」再度上架，還有療癒感十足的「攻脷兵團毛公仔」及其他周年限定商品，讓粉絲把喜愛的譚仔元素帶回家收藏。同場的「譚仔姐姐俄羅斯公仔打卡區」展示不同年代制服造型的俄羅斯公仔，象徵譚仔姐姐陪大家走過的歲月，更連繫到慈善企劃——是次部分收益將撥捐受惠機構HER Fund婦女動力基金，為三十周年慶典添上溫暖力量，真正體現「老地方‧新感動」的主題。

把握機會到黃大仙 感受三十載譚仔味

整個巡禮展現場氣氛熱鬧，工作人員穿上三十周年限定紀念T恤，處處都是打卡位。活動由即日起至7月1日，每日上午11時至晚上9時30分開放（6月29日開幕日則於下午3時30分開放），選址黃大仙中心北館1樓中庭，交通方便。無論是想重溫那些年與朋友食米線的青春歲月，還是試勻麻辣老婆餅等限定驚喜，趁這幾天走一趟，親身體驗這個陪伴香港人三十年的品牌，如何由深水埗一碗米線開始，不斷創造屬於大家的新回憶。