壽司郎×蔣皓埈聯乘 10.21 開賣 牡丹蝦雙味/鯖魚押壽司/炸蝦餅 三款限定價錢一覽
食壽司有新目標!香港壽司郎聯乘韓國人氣主廚蔣皓埈(장호준),10 月 21 日起推出三款期間限定料理,全線分店有得食(灣仔英皇集團中心店、深水埗西九龍中心店除外),數量有限售完即止,鍾意日韓菜嘅朋友可以計劃下。

三款限定分別係:①「醬漬牡丹蝦雙味」($42)——主廚餐廳「皓烈」招牌變奏,牡丹蝦浸特製酒香醬油漬,配佃煮海苔;②「鯖魚押壽司配海苔佃煮拌醋飯」($32)——餐廳「JUUI」人氣菜再演繹,佃煮海苔拌醋飯疊鯖魚,加薑片同行者大蒜葉;③「炸蝦餅配特製他他醬」($25)——靈感來自 JUUI 人氣蝦餅三文治,蝦漿有香菇同鮮蝦,蘸粉紅他他醬好解膩。
蔣皓埈邊個嚟?佢深耕日式料理約 20 年,有「日式料理終結者」稱號,喺韓國知名料理競賽節目打到入前八強,主理嘅「皓烈」同「JUUI」都係韓國話題名店。今次佢將韓式「醬油蝦」同「拌」文化融入壽司郎,想試就要趁 10 月 21 日起嘅限定檔期。
