以中西名貴食材入饌

端午糭要食好啲食豪啲

糭,每年端午都會食,有人喜歡傳統餡料,亦有人要食得特別。今年不少高檔酒店紛紛推出富貴糭,以中西名貴食材入饌,鮑魚、海參、佛跳牆甚至Parma Ham都有,盡顯貴氣。

 

圖片來源:香港W酒店

1. 鮑魚瑤柱松茸裹蒸糭

香港W酒店推出以鮑魚、瑤柱及松茸等矜貴食材入饌的裹蒸粽,配合創意時尚的包裝,刺激你的味覺與視覺,令你無法抗拒這美食誘惑。除了豉油,你亦可點酒店自家製XO醬,更加好味。

售價: 298元

 

圖片來源:大公館

2. 50頭吉品鮑魚瑤柱裹蒸糭

喜歡食鮑魚的人,今個端午甚多選擇,例如大公館就有「50頭吉品鮑魚瑤柱裹蒸糭」,以原隻吉品鮑魚入饌,50頭大細岩岩好,配上頂級瑤柱、蝦乾、五花腩等,用料上乘。

售價: 288元

 

圖片來源:帝苑酒店

3. 至尊黑松露帕爾馬火腿糭

吃得多中式食物,轉轉口味,來一客西式或日式餡料如何?帝苑酒店推出「至尊黑松露帕爾馬火腿糭」,Parma Ham加入意大利黑松露醬,糭既充滿火腿鹹香,又滲透著獨特黑松露的菌香,令你食指大動。

酒店有另一款特別糭—日本鹿兒島豚肉櫻花蝦糭,採用頂級食材的鹿兒島黑豚肉,甘香可口且有油份,加入香脆的櫻花蝦乾,口感獨特。日本糯米更以瑤柱上湯、味醂等熬製,充滿日式風味。

售價: 238元

 

圖片來源:帝京酒店

4. 金裝佛跳牆鮑魚糭

要食得豪,豈能欠缺佛跳牆?帝京酒店有「金裝佛跳牆鮑魚糭」,餡料包括原隻鮑魚、滋補海參、原粒瑤柱甫、冬菇、金華火腿等炮製而成,並特別以頂級挑骨腩肉代替傳統肥肉,看起來健康一點。

售價: 318元

 

圖片來源:歷山酒店

5. 金箔鮑魚海參粽

壓軸出場,當然是至貴之選:歷山酒店的「金箔鮑魚海參糭」。採用原隻8頭南非鮑魚、上等海參、24個月西班牙黑毛豬風乾腿、北海道乾瑤柱及入口即溶的五花腩等,並以金箔點綴,足足重628克,可供3人用。

售價: 338元

金巴利臣

一得閒就會四圍八,搵平嘢、搵好,就算花時間都係值得。

熱門文章

最新文章