入門級真無線耳機大比併　三百元以下都夠玩！

總係唔鍾意受束縛，所以蘋果AirPods愈黎愈受歡迎，無線耳機款式亦愈出愈多，價錢自然愈黎愈低！小編在市面找到5款300蚊以下無線耳機，無論在重量、操作、續航時間都有唔錯表現，戴住佢做運動時聽電話、駁手機聽歌睇戲絕對夠用，即使掉失了也減少肉痛感！

紅米 AirDots S

紅米 AirDots S最大賣點，一個字：平！只需人民幣99蚊，但功能毫不失禮：配對後拎出充電盒就自動連接，放番入盒則自動中斷藍芽；實體鍵防止誤觸，並新增遊戲模式，令畫面與聲音同步；耳機夠用4個鐘，配合充電盒更可以用到12個鐘。另外重量只有4.1g，及大、中、細耳塞自由選擇，輕得黎又唔易甩！

藍芽：5.0
續航時間：耳機約4小時 / 充電盒約12小時
充電時間：約1.5小時
通訊距離：10米
防水：IPX4
重量：4.1克
售價：人民幣99元

JLab Go Air

如果你對聽歌有較高要求，JLab Go Air會更適合你！佢內置3款EQ模式，簡單地篤3次耳機循環選擇，另外篤左右耳機一次或兩次，亦有不同播歌功能，帶住佢邊做運動邊聽歌真係一流！快叉係佢第二個大優點，官方話叉電15分鐘就夠用一小時。缺點係佢只是防汗，室內當然冇問題，但如果室外用就要小心落雨了。

藍芽：5.0
續航時間：耳機約5小時 / 充電盒約15小時
充電時間：約2小時
通訊距離：10米
防水：IP44
重量：5克
售價：美元29元

 

 

TWS1 經典版

這耳機採用生物振膜及支援aptX編碼的高通芯片，令音質和延遲皆有良好效果，但要留意ios是不支援aptX編碼啊。另外它用名為「CVC 8.0通話環境降噪」，唔會受外邊的車聲風聲影響你與對方談話。防水亦是它的強項，IPX5級點止防汗水，直頭將成隻耳機用水洗乾淨都仲得！缺點是它的觸控操作，沒有調校大細聲，要你用手機去調節音量。

藍芽：5.0
續航時間：耳機約8小時 / 充電盒約24小時
充電時間：約1.5小時
通訊距離：10米
防水：IPX5
重量：4.5克
售價：人民幣248元

Momax Pills Lite

若然你擔心耳機耳塞太細弄痛雙耳，Momax Pills Lite採用半入耳式設計，重量夠輕只有4.1克，長時間戴上也可以。耳機有四款顏色，除了四平八穩的黑白、還有較活潑的鮮橙及淺綠色。不過，有不少用戶於公司facebook，投訴耳機連接手機有問題，例如只有一隻耳機有聲，顯示燈沒有閃亮等，質疑是耳機有問題。其後公司於專頁拍片解釋原因，並承諾可更換耳機。另外指示燈太細少了，恐怕你要非常好眼力才看到是藍還是紅燈。

藍芽：5.0
續航時間：耳機約4小時 / 充電盒約12小時
充電時間：約1.5小時
通訊距離：10米
防水：不能
重量：4.1克
售價：港幣268元

 

Conven Sound Gear TD1

Conven Sound Gear TD1機身細細功能齊備，通訊距離長達20米，非常適合在辦公室使用。另外，它的充電盒能顯示剩餘電量，這個功能不是很多牌子做到。耳機續航時間長達4小時，配合充電盒則增至12小時，就算你是工作狂、以office為家，都足夠應付一日所需吧。

藍芽：5.0
續航時間：耳機3-4小時 / 充電盒約8小時
充電時間：約1.5小時
通訊距離：20米
防水：IPX4
重量：5克
售價：港幣199元

【按此購買】