仲有兩個星期就係父親節，你仲愁緊買乜俾老豆？其實仔女嘅伴陪就係最佳嘅禮物啦，今年一於同daddy由朝早食到凌晨，食足5餐，肯定令佢好難忘！講到食，父親節離唔開係飲茶、buffet，如果5餐都係點心冷盤，小編驚你會悶親父親大人，所以除咗酒樓、自助餐，小編搵嚟日式嘅、啱牛魔王嘅、鍾意嘆紅白餐酒嘅、清清地食生果甜品嘅午餐、下午茶同晚餐，總有一樣啱佢口味啦！

逸東酒店：中美歐式早餐全部有齊

一般餐廳嘅All Day Breakfast閒閒地都過百蚊，而家加埋中式點心、港式街邊小食、新鮮熱辣嘅牛角包鬆餅，都只係98蚊咋！ 呢度就係逸東酒店嘅自助早餐，超過60多款美食，無論係美式或歐陸早餐、甚至中式美點一應俱全，焦點推介即叫即製奄列、班戟、雞蛋仔、點心、粥同埋粉麵。雖然呢度冇正式嘅All Day Breakfast，但腸仔、薯餅、香腸、蘑菇、火腿、焗豆、沙律等任你夾，砌埋咪係一份All Day Breakfast啦！即製奄列又係必食，因為有廚師即刻炒俾你，仲可以自己揀配料。呢度點心雖然冇酒樓咁多選擇，都有燒賣、粉果、糯米雞、腸粉等，加埋生滾粥同炒麵，喜歡中式早餐都會感到大滿足！不過呢個優惠做到6月15日咋，所以你要同爸爸早少少去食，當提早慶祝父親節囉。

逸東酒店The Astor普慶餐廳自助早餐優惠
供應日期：即日至6月15日
供應時間：06:30-10:30，用餐時間視乎餐廳情況而定
價錢：星期一至五每位$98、星期六日及公眾假期每位$128 ，另加一服務費
訂座電話：2710 1901 或透過 Whatsapp
地址：佐敦彌敦道380號香港逸東酒店B1樓層

輝哥私房菜：港式茶餐廳點心放題

如果爸爸比較傳統，早餐要去酒樓食一盅兩件嘅，咁你可以帶佢去輝哥私房菜瘋狂食點心。呢度有90分鐘點心放題，供應50多款點心，包括：水晶蝦餃皇、蟹子燒賣皇、北海道元貝餃、鮮菰芋雞扎、韭皇鮮蝦腸粉、鮮豬潤腸粉、椒鹽魷魚鬚、瑤柱帶子肉片粥、潮州肉碎蠔仔粥、北菰滑雞粥、獅城炒貴刁、廈門炒米粉任你食，另外有茶餐廳風味嘅菠蘿油、咖央西多、沙爹安格斯牛肉麵等，仲有大排檔惹味小食：家鄉煎薄罉、蠟味糯米飯、椒鹽雞翼尖，再飲杯絲襪奶茶，隨時飽到午餐都唔駛食。

輝哥私房菜90分鐘點心放題
供應日期：即日至6月30日
價錢：星期一至五成人每位$98、小童每位$88；星期六日及公眾假期成人每位$118、小童每位$108，另收茶芥每位$12及加一服務費
訂座電話：2606 7278；或網上訂位
地址：佐敦長樂街18號18廣場2樓

N.I.C.E Yakiniku & Fine Wine 嘆A5和牛

如果你爸爸係食肉獸，甚至係牛魔王，咁呢兩款午餐一定啱佢心意。首先係位於銅鑼灣嘅日式燒肉專門店N.I.C.E Yakiniku & Fine Wine，喺6月18日至19日限定推出「ひいろ」溫馨主題菜單，每位$1080，就嘆到招牌沙律、前菜三味：慢煮醉和牛＋脆炸和牛蟹肉卷＋A5宮崎和牛他他配北海道海膽、A5宮崎和牛薄片配魚子醬及柚子汁及長臂大蝦湯；日式燒肉菜式則有乾式熟成澳洲和牛牛舌配精選宮崎和牛（兩款），配以A5宮崎和牛牛骨濃湯茶漬飯，最後食埋精緻兼igable嘅甜品：烤菠蘿伴山葵雪葩，為呢餐和牛盛宴劃上完美句號。如果daddy鍾意飲酒，可以加多$288，兩小時無限暢飲一系列精選日本清酒及法國紅白餐酒，當中推介酒釀有清新甜潤的「榮光富士愛山純米大吟釀」丶口味清爽的「綾菊 さぬきオリーブ酵母 純米生酒」丶葡萄酒如「Les Petits Arnauds Blanc 2020」及「Chateau Les Petits Arnauds」等。

N.I.C.E Yakiniku & Fine Wine父親節期間限定
供應日期：6月18日至19日
供應時間：星期二至星期日12:00-15:00及18:00-22:00
價錢：$1,080
訂座電話：5220 9066
地址：銅鑼灣渣甸街66號亨環7樓

Steak King兩個鐘任食牛扒任食餐酒

講起牛扒，澳洲都好出名，位於黃竹坑嘅Steak King推出「Dine with dad」午餐，俾你同爸爸兩小時內無限享用澳洲牛扒（係嚟自澳洲嘅200日穀飼黑安格斯肉眼及西冷扒，肉味香濃又肉質細嫩）、乾式熟成牛肉漢堡包及厚切薯條，或者加$150升級為澳洲M9和牛。呢兩個鐘頭你哋仲可以任飲嚟自西班牙、澳洲或紐西蘭的紅白餐酒，性價比極高。而嚟自澳洲優質農場嘅M9和牛西冷及肉眼扒，油花分布細緻均勻，肉味同時保持香濃，深受牛扒愛好者歡迎！牛肉漢堡選用了乾式熟成21天的黑安格斯牛肉，混合牛腩、牛臀肉及其他部位製作而成。在乾式熟成的過程中，牛肉水份會被抽乾，令牛肉風味更濃郁，味道更豐富，甚至會帶有果仁、松露或藍芝士的香味。

Steak King父親節Dine with dad午餐
供應日期：6月19日
供應時間：11:00-16:00
價錢：成人每位$750，小童每位$350，另可每位加$150升級至澳洲M9和牛
訂座電話：66988251；或網上訂座
地址：黃竹坑道40號貴寶工業大廈16樓A

城景國際：父親節榴槤香芒下午茶自助餐

唔好以為High Tea就一定係英式榚餅加咖啡紅茶，其實日式或者生果式都好受歡迎，因為唔駛食咁飽，可以留定個肚晚夜再擦餐勁。另外早餐午餐食得太多，High Tea食吓生果消化吓都係唔錯選擇，咁可以考慮城景國際City Café推出的父親節榴槤香芒下午茶自助餐，以榴槤和香芒為主題，精心製造多款美饌，必試北海道3.6牛奶榴槤布甸、榴槤班撠卷、榴槤雞蛋仔、迷你榴槤撻、榴槤/芒果蛋糕卷、迷你榴槤/芒果泡芙、榴槤千層酥、榴槤/芒果糯米糍、榴槤香蘭葉蛋糕及Movenpick雪糕等。另外，仲集合超過40款多國美食，包括三文魚芒果加州卷、壽司拼盤、日本蟹柳芒果米紙卷、加勒比披薩、燕窩蟹皇粥及泰式船河、多款熱葷以及限定甜品。

城景國際City Cafe父親節榴槤香芒下午茶自助餐
供應日期：6月18至19日
供應時間：15:00-17:30
價錢：成人每位$328、長者每位$298、小童每位$228，出示城景國際官方網頁優惠，或透過官方網頁預訂下午茶自助餐，有65折優惠。
訂座電話：2783 3287；或網上訂座
地址：旺角窩打老道23號城景國際一樓

九龍海逸君綽酒店：日式雙人下午茶

想靜靜地嘆個High Tea，紅磡嘅九龍海逸君綽酒店是不錯選擇，呢度地方夠大唔駛坐到迫一迫，而且旁邊就係無敵維港海景，更加令人感覺優閒，一路睇海景、一路食由餅房總廚匠心製作嘅鹹點甜點，俾你同爸爸盡享和風滋味！日式鹹點有：鰻魚壽司、磯煮鮑魚、明太子雞翼及炉端燒煙肉腸仔串各兩件，而甜品就有：抹茶忌廉蛋糕、柚子蘋果芝士餅、車厘子朱古力慕絲餅、荔枝士多啤梨水信玄餅、提子乾鬆餅配士多啤梨果醬、達魔法式杏仁餅、日本網紋蜜瓜撻及抹茶雪條，仲有兩杯茗茶或新鮮即磨咖啡

九龍海逸君綽酒店咖啡閣日式雙人下午茶
供應日期：6月逢週五至週日及公眾假期
供應時間：14:00-17:30
價錢：兩位$548
訂座電話：2621 3188；或網上訂座
地址：紅磡黃埔花園德豐街20號

帝逸酒店：父親節限定廚師發辦

潮流興食Omakase，今個父親節不妨轉一轉口味，食一餐酒店級數嘅Omakase啦！位於沙田嘅帝逸酒店，最頂層的的高級日本餐廳源峰，今年再有父親節限定廚師發辦，日籍主廚以和牛及時令食材創作出8道菜的廚師發辦套餐，以極上鮮味為你帶來頂峰享受。前菜係帆立貝鮭魚子沙律，然後係刺身三款：大吞拿魚腩、油甘魚、牡丹蝦，加燒和牛壽司，跟住食爐端燒：和牛陶板燒；揚物有五彩米通炸蝦、煮物有和牛筋，配和牛素麵，最後係兩款甜品：豆腐奶涷及靜岡日本蜜瓜。而2022年6月18日至19日惠顧Alva House、逸軒及源峰，客人可享精選啤酒買一送一優惠。

帝逸酒店源峰父親節廚師發辦
供應日期：6月17日至19日
供應時間：14:00-17:30
價錢：成人每位$1,280，加$280可享威士忌三杯
訂座電話：3653 1168；或網上訂座
地址：香港沙田源康街1號帝逸酒店二十八樓

北角海逸酒店：7折食到豐富自助晚餐

其實小編真係唔多想介紹傳統嘅酒店式自助晚餐，因為我覺得一年一度嘅慶祝，係應該食平時少食嘅嘢，但北角海逸酒店呢個父親節自助晚餐，實在太抵，相信好多讀者感到興趣呢。北角海逸酒店推出父親節快閃優惠，6月6日前預訂自助晚餐高達7折優惠，仲會加送100蚊自助餐券下次用添，折實後每位$575，食物方面有佛跳牆、時令凍海鮮包括長腳蟹、藍青口、海蝦及凍蜆等輪流交替供應，仲有多款刺身及即製手卷包括三文魚蟹籽手卷及香芒牛油果蟹柳加州卷、即時烹飪櫃位供應香煎鴨肝、烤牛肉眼、烤羊脾，以及海逸脆皮雞、威靈頓牛柳、蒜香芝士焗蠔等熱盤，唔少嘅有甜品如芒果拿破崙、栗茸西米焗布甸、燕窩蛋撻、Haagen-Dazs 雪糕及雪糕批。另外，每位父親免費任飲精選紅酒或白酒。

北角海逸酒店綠怡咖啡廳父親節自助晚餐
供應日期：6月18日至19日
供應時間：18:30-22:00
價錢：成人每位$574.40，已包加一服務費
訂座電話：2185 2155；或網上訂座
地址：北角英皇道665號 北角海逸酒店

奇華餅家：港式小食送啤酒一流

即日起至6月19日期間，奇華餅家全線分店及網店推出「父親節什錦酥條禮盒」，售價$85，內有三款不同口味的酥條，包括充滿港式風味的避風塘香辣味酥條、辛香濃郁的咖喱酥條，及芝士味十足的芝士酥條。禮盒以巨大啤酒罐為外型設計，以「HeroPapa」命名，並印上「YOU ARE THE HERO IN MY LIFE STORY」、「IN MY HEART FOREVER」的特別字句，爸爸睇到一定個心暖一暖。

龍島：法式情懷拿破崙蛋糕

龍島今年於父親節以「My Super Dad」為主題，推出充滿法式情懷的拿破崙蛋糕及酒心朱古力禮盒。72%純黑朱古力拿破崙蛋糕有5吋及7吋兩個size，售價為每個$348及 $498，設有三層焦香酥皮，上層為比利時54%純黑朱古力忌廉，下層則是比利時72%純黑朱古力軟心，面層再灑上可可粉及古銅色脆珠作點綴。酒心朱古力禮盒分為9件裝及16件裝，價錢係每盒$318同$498，則雲集六款味道獨特酒心朱古力，包括白蘭地、威士忌、冧酒、氈酒、橙酒及茅台，適合愛酒的爸爸們。