胡桃夾子故事講什麼？每年聖誕，都有唔少香港人買飛，入場睇由香港芭蕾舞團演出嘅胡桃夾子芭蕾舞。當然，今年嘅門票已經差唔多賣晒。不過，唔打緊，今次小編就同大家講吓胡桃夾子故事講乜，芭蕾舞表演同原著又有乜唔同，等大家可以有個了解，下年盡早買飛睇。

香港胡桃夾子芭蕾舞表演資料

胡桃夾子故事講什麼

胡桃夾子英文係 The Nutcracker，無論係芭蕾舞劇或電影，佢嘅故事架構，都係嚟自E.T.A.霍夫曼作品 ——《胡桃鉗與老鼠王》。

胡桃夾子故事係講述100年前嘅一個平安夜，喺一個日耳曼小鎮入面，有位女孩收咗份好特別嘅聖誕禮物 —— 一個軍官造型嘅胡桃夾子。

喺深夜時候，女孩偷偷起身，想睇睇心愛嘅軍官造型胡桃夾子，點知喺客廳，佢竟然被一大群老鼠襲擊！好彩哩個時候，軍官胡桃夾子突然識郁，仲帶領其他玩具同老鼠作戰，擊敗老鼠，保護女孩。

之後哩個軍官胡桃夾子變成咗英俊嘅王子，帶女孩去糖果王國。佢哋穿過白雪覆蓋嘅聖誕樹林，沿途有雪花仙子唱住歌，跳住舞，為佢哋伴行。

然後，佢哋去到「糖果王國」宮殿。王子同女王講咗小女孩有幾勇敢，同自己一齊打贏老鼠大軍，於是女王就請小女孩欣賞舞蹈表演，全晚氣氛喜氣洋洋。

不過，第二日早上，女孩瞓醒，發現自己抱住心愛嘅軍官造型胡桃夾子，先知自己原來係發夢，故事亦完結。

胡桃夾子芭蕾舞劇講什麼

喺香港公演，由香港芭蕾舞團演出嘅胡桃夾子芭蕾舞，係經香港芭蕾舞團藝術總監衛承天加入咗香港元素，入面有佢鍾意嘅香港建築、風景、食物、習俗，大玩Crossover。

香港那裡有胡桃夾子芭蕾舞台劇看？

表演地點：香港文化中心大劇院；
表演團體：香港芭蕾舞團；
公演日期：12月16日至12月31日；
票價：分現場伴奏及錄音伴奏；
現場伴奏：$1,200 （限量貴賓票）、$720、$490、$320、$180；
錄音伴奏：$1,000 （限量貴賓票）、$680、$480、$320、$180。

註：2022年的一般門票已全部售出，只餘限量貴賓票及輪椅座位。

胡桃夾子與柴可夫斯基

於1891年，俄國作曲家柴可夫斯基受命為「胡桃鉗和老鼠王」芭蕾舞劇作曲，並於1892年完成作品。全曲運用弦樂，加入童聲及兒童樂器，俾人一種少見嘅逼真感同寫實感，可以話係柴可夫斯基經典音樂作品之一。

如果你想最近香港有甚麼好玩，可以click入來看小編更多介紹！