黃大仙廟 （即黃大仙祠及黃大仙寺）係每年新春新年期間，唔少香港人前往參拜嘅地方，可以話係香港人集體嘅過年活動之一。2023年係兔年，喺嚟緊嘅新春日子，黃大仙廟嘅開放時間係點？今年去黃大仙上頭炷香又要幾點去？下文立即講解。

2023新春期間黃大仙祠開放時間

黃大仙廟年三十晚頭炷香安排需知

● 年三十晚9點起，黃大仙廟會開放俾善信進入，等到子時上頭炷香，仲會通宵開放到年初一晚上9點；
● 所有黃大仙寺嘅善信唔可以攜帶大型香枝、元寶蠟燭、生油同供品進入黃大仙祠。到時黃大仙廟內將實行單向行走，俾善信途經3個敬香點（大殿、三聖堂及盂香亭）上香。到時係唔會有求籤區、跪拜區同供品區；
● 黃大仙寺會建議大家以家庭為單位，帶備9支線香。然後，再到到黃大仙祠內3個上香點（即大殿平台、三聖堂及盂香亭）上香。

黃大仙祠新春正月初一到十五拜神需知

● 黃大仙祠廟繼續實施單向式及人潮管制措施，善信要行走指定路線上香及拜神；
● 黃大仙廟正門入口將會分開兩條隊，一條係「參拜大殿」，另一條係「參拜太歲元辰殿」。善信參拜大殿後，可以喺正門斜路折返，返到元辰殿，然後拜太歲；或者喺元辰殿拜太歲後，行去第一參神平台上香；
● 黃大仙寺嘅大殿平台求籤區會重新開放；
● 善信唔可以攜帶大型香枝、元寶蠟燭及生油入場。黃大仙祠廟建議大家以每一個家庭為單位，帶備9支線香，分別到黃大仙祠內3個上香點（即大殿平台、三聖堂及盂香亭）上香。

黃大仙寺新春正月初二起參拜太歲詳情需知

● 由正月初二開始至整個正月，凡係生肖屬兔、雞、馬、鼠、龍嘅善信，出示有效身份證明文件後，可以免費入去「太歲元辰殿」內拜太歲；
● 殿內已敬備檀香，善信毋需自己帶，亦唔須要供品。

新年拜黃大仙常見問題

問：黃大仙廟一般開放時間是什麼？

答：黃大仙祠係每日免費開放，時間由朝早7點半至下午4點半。

問：拜黃大仙要俾入場費？需即場買祭品？

答：黃大仙祠參拜係收入場費，不過你可以捐錢，所得善款會用喺社會公益服務。善信亦唔需要即場買祭品。

問：到黃大仙拜太歲要付費嗎？

答：正月期間，凡係生肖屬兔、雞、馬、鼠、龍嘅善信，都可以喺黃大仙廟免費拜太歲。其他生肖人士，就要每位俾港幣100元入場費，65歲或以上長者及殘疾人士可享半價優惠。

問：參拜黃大仙廟可以帶乜入場？

答：參拜黃大仙廟只可以帶9枝線香，分別喺祠內3個上香點（大殿平台、三聖堂及盂香亭）敬奉，黃大仙祠廟內係禁止攜帶元寶蠟燭、生油及大型香枝。

如果你想最近香港有甚麼好玩，可以click入來看小編更多介紹！