白石燒烤場好唔好 ？作為馬鞍山最大燒烤場，如果你係住沙田，唔想去得遠，佢係不二之選。事實上，佢海景係靚，燒乳豬亦吸引，但價錢同味道係咪性價比高，真係唔同人有唔同睇法。想知白石燒烤有乜好同唔好，即刻睇下文啦！

馬鞍山BBQ白石燒烤場收費 （包括白石燒烤獨立屋）

註：價格或隨時改動，所有價錢均以現場即時收費為準。

BBQ場開放時間（海景BBQ爐及白石燒烤獨立屋）

海景BBQ爐開放時間

● 星期一至五：13:00至23:00；
● 星期六、日及公眾假期：10:00至24:00。

白石燒烤獨立屋開放時間

● 星期一至五：13:00至22:30；
● 星期六、日及公眾假期：12:00至23:30。

白石燒烤場好唔好

1.面積大有海景  秋天涼冬天凍

馬鞍山白山燒烤場吸引人嘅地方，係環境大兼向海。當然，冬天都幾凍下，始終向海嘅地方都係大風同偏凍，所以真係要睇天氣先好去，好似初秋嘅日子去燒野食，就一流啦。

2.自己乳豬自己燒 夠有趣

馬鞍山白山燒烤場另一個吸引人去BBQ嘅原因係佢有得燒乳豬，而且係自己燒。雖然大埔大尾督麥師傅燒烤場都有乳豬燒，但通常都係麥師傅燒或現場工作人員操刀，客人唔可以自己燒。一隻乳豬要燒幾耐？有網民話要3個鐘，所以大家要預好時間。

3.食物種類多  有貴價海鮮扒類

馬鞍山白石燒烤場有提供海鮮餐同乳豬餐俾客人選擇，即使散嗌，食物都高質，例如佢有大眼雞、烏頭、鰻魚、帶子、青口、牛肉眼、栗米、茄子同翠肉瓜。至於其他急凍肉類，丸呀或者係扒，應該有嘅，佢都有。

4.食物Size偏細  食量大要留意

唔止一位食客喺OpenRice講過白石燒烤場食物份量偏細，有客人認為：「佢套餐包嘅份量非常之少，每一個水平size係勁細，譬如話10人有兩包丸， 但係一包係勁細，應該只係夠一兩個人食，好明顯啲價錢同食物係唔成正比」，亦有客人指：「但10人份量絕對唔夠10人，我哋8個都覺得唔夠食！」亦因為咁，唔少人叫餐後，會再另外散叫一D食物，所以埋單都唔平。

5.食物味道偏鹹  重口味人士最愛

至於食物味道，唔鍾意味濃嘅客人，都認為佢哋嘅食物偏鹹：「佢哩度嘅醃製食物好似比較重口味，黑椒雞腎爽口好味，不過就算洗完都超級重味精。」有食客更留言：「勁鹹，鹹到食唔到！」另外，亦有客人關注食物安全：「10人餐腸仔起碼6包， 其中一包腸仔恐怖到變色咁」！

6.交通配套改善空間大  步行需時20分鐘

唔少燒烤場都開喺交通唔方便嘅位置，馬鞍山白山BBQ場亦唔例外，小編去過一次，無巴士同小巴到，由港鐵烏溪沙站行去白石BBQ場都要行近15分鐘（燒烤場官網聲稱要20分鐘）。因為沿途有D地方係無行人路，所以大家預咗要喺馬路上面行，唔係就要坐的士去。燒烤場附近亦有停車場，有車嘅，可以開車去。

提提大家，燒烤拎嘢食嘅時候，記得戴口罩，先好出去！如果想買款有Cutting嘅型格口罩出席朋友眾會，不如試試諾翹嘅可重用防水口罩啦，包你圓臉變V面，人人都有女神面。想知佢點神奇？立即Click去Lockill 諾翹口罩產品專頁睇睇啦。

白石燒烤場交通及泊車收費

● 綽德停車場，每小時15蚊，最少泊兩小時；
● 的士由烏溪沙站往白石BBQ場需20蚊起；
● 的士由馬鞍山站往白石BBQ場需30蚊起。

馬鞍山BBQ白石燒烤場資料

● 地址：新界馬鞍山白石第1950號；
● 電話：2744 8188；
● 網址：https://whiteheadbbq.hk/index.html

如果你想最近香港有甚麼好玩，可以click入來看小編更多介紹！