4月4日是兒童節，各位家長買咗禮物俾小朋友未呢?? 呢排好多小朋友都被迫留喺屋企，「暑假」都無得出街大玩特玩。好多家長都會買新玩具俾精力旺盛嘅小朋友放電，今日就等筆者介紹幾款俾各位家長參考，睇吓有無野啱你地小朋友啦！(注意，不同玩具有不同年齡要求，家長應因應自己小朋友黎決定買咩俾佢地玩啊) 

 

Kitchen Sink Toys (玩具鋅盤)

煮飯仔我哋細個就玩得多喇，近年新出呢款真係可以出水嘅玩具鋅盤!

 

只要水溫高於華氏95度(即攝氏35度)以上，彩色嘅杯就會變成白色，多左種玩法！家長仲可以教小朋友關於溫度嘅智識，喺遊玩中學習係好易令小朋友入腦架！

玩具的設計可以令水循環再玩，咁就唔怕浪費大量食水啦，不過家長記得為四周嘅家具做好防水設施啊！

 

 

3Doodler Start+ Essentials 3D Pen Set (3D立體畫筆)

呢組3D畫筆可以將小朋友平時畫喺紙上面嘅畫，變成「實物」，例如用不同顏色嘅膠，畫成戒指、書包扣、甚至可以畫出巴黎鐵塔模形，大家睇吓下面條片啦。

供應商指出，呢套玩具畫筆不會發熱，適合6歲以上兒童。

Air Hogs Super Soft Jump ( 跳躍搖控車)

搖控車好常見，識跳嘅搖控車你又玩過未呢? 除左基本平面前後移動、原地打轉功能，Air Hogs Jump Fury 仲可以跳上空中22吋，而且佢個轆好大，著陸時都唔會好易壞添！

 

 

VTech KidiBeats Kids Drum Set (玩具電子鼓)

喜歡音樂嘅小朋友，仲有電子音樂玩具可以揀！呢套玩具電子鼓有９種不同音樂風格，例如rock, dance and pop等，除左音樂小朋友喺玩仲可以學到英文字母、數字。會有LED燈閃閃亮，都幾吸引小朋友一邊玩一邊學習。

當然要留意返，唔好太夜玩嘈到隔離鄰舍啦。

 

HABA Symphony Croc Music Band Set with 4 Instruments (玩具樂器)

有些小朋友特別對聲音很敏感，喜歡不同音頻的聲音，家長可以考慮呢類型音樂玩具，好似呢款一套有四種樂器，包括鼓、木琴、響筒（又叫刮瓜）以及鈴. 仲包埋二重奏樂譜添，適合家長同小朋友一齊玩～

 

 

Waterfall Mountain Wooden Train Set & Table（瀑布山木製火車連枱）

大人玩建設城市嘅手機遊戲就玩得多喇，有無諗過一齊同小朋友實體興建城市呢? 呢組玩具有瀑布山、飛機+跑道、直升機、火車、車等120個配件，仲有好多職業嘅公仔，可以同小朋友一齊創作不同故事及角色扮演，發揮小朋友嘅想像力。

 

佢仲有張大枱嘅設計，可以將配件返埋喺下面，方便又整齊。不過呢件玩具體積龐大，都要屋企夠位先得。