![大尾篤麥師傅](https://good2share.app/wp-content/uploads/2022/12/%E5%A4%A7%E5%9F%94%E9%BA%A5%E5%B8%AB%E5%82%8501-uai-480x251.jpg)
大尾篤麥師傅燒烤場大埔街坊最愛:
免費泊車+BBQ任食+味道濃
大尾篤麥師傅 可說是不少大埔老街坊在大埔BBQ燒烤時,必然之選之一(另一間是同信士多)。大埔麥師傅燒烤場吸引之處除因為它食物味夠濃,更因為它是任食兼免費泊車。而且,麥師傅本人亦很有人情味。想知大尾篤麥師傅收費?有什麼特色?本文一一講解。
大埔大尾篤麥師傅BBQ收費表
日期 | 小時 | 成人(元) | 小童(元) |
星期一至四 | 5 | 180 | 120 |
星期五至日 | 5 | 190 | 120 |
假期 | 5 | 190 | 120 |
開爐費:60元(有2包炭,如使用新款網燒爐,開爐費70元)
大埔大尾篤麥師傅價錢:任燒5小時
● 星期一至四:成人180元,小童120元;
● 星期五至日:成人190元,小童120元;
● 開爐費60元 (碳2包,如使用新款網燒爐,開爐費70元);
● 任燒5小時,包飲品2罐;
● 8人一爐。
大埔大尾篤麥師傅泊車免費
麥師傅燒烤場門口提供免費泊車,車位只俾顧客使用。停車場同燒烤場好近,落雨去燒,都唔怕(麥師傅燒烤場本身都有瓦遮頭)。
![大尾篤麥師傅](https://good2share.app/wp-content/uploads/2022/12/4-uai-480x360.png)
![大尾篤麥師傅](https://good2share.app/wp-content/uploads/2022/12/5-uai-480x360.jpg)
大埔BBQ大尾篤麥師傅5大特色
1.自設遊樂場 小朋友有得玩
燒野食雖然好味,但除咗腸仔、魚蛋、棉花糖,其他肉類都要燒好耐先熟,最怕就係冇耐性嘅小朋友係咁嘈!麥師傅就好細心,擺咗幾個吹氣滑梯及彈床喺附近,俾小朋友喪跳放電。而且,員工會清潔消毒好晒先俾小朋友玩,確保衛生。現場仲有遊戲機中心俾小朋友做吓車手、紙網撈金魚同埋夾公仔,不過就要俾錢先玩到。
2.食物美味 拎住叉燒夠懷舊
自從興起付費燒烤,大家都應該好耐冇試過拎住隻叉,燒嘢食,但麥師傅燒烤場就維持住用叉叉住嚟燒嘅傳統(不過你可以俾多10蚊用網燒)。食物方面,佢係醃好晒,用膠盤裝住,佢有傳統嘅豬牛雞扒、雞翼、腸仔、各式肉丸同多春魚,仲有比較特別嘅豬頸肉、燒鱔柳、一口羊同埋沙嗲牛仔柳,不過特別嘢就唔係任食。另外,佢哋嘅食物味道濃,可能令你好口渴,要勁買嘢飲(雖然,入場費包兩張8蚊飲品券)。
3.有私人泊車場 可坐20c小巴75k巴士前往
麥師傅喺大尾篤龍尾灘前少少,雖然有20c小巴或者75k巴士直達,但自己有車,就梗係自己揸車入去最好!麥師傅門口有大片空地,可以俾客免費泊車,哩點就唔係好多燒烤場做到。
![大尾篤麥師傅](https://good2share.app/wp-content/uploads/2022/12/6-uai-480x360.jpg)
![大尾篤麥師傅](https://good2share.app/wp-content/uploads/2022/12/7-uai-480x360.jpg)
4.人情味濃!麥師傅巡場教你燒烤技巧
燒嘢食成日燒燶?豬扒燒極唔熟?放心,喺麥師傅燒烤場,師傅真人會不時巡場,教你幾招BBQ秘技!例如佢教過用5分鐘燒到雞翼又香又脆:首先係一隻叉叉3隻雞翼,雞皮向掌心,每幾十秒反一反。見到雞翼金黃色有少少燶邊就搽蜜糖,再每邊燒10秒就完成,如果燒太耐雞翼會實晒唔好咬口。
5.客人可自帶乳豬入場燒
麥師傅好出名嘅燒乳豬,而家就暫停供應,但小編問過佢哋,如果客人自攜乳豬,係可以喺場入面燒!至於會唔會由麥師傅出手、定係其他職員會幫手?工作人員就冇答,但小編睇過麥師傅Facebook,曾經貼過一張顧客燒乳豬相,仲話職員本來想幫手,但客人叉得好靚仲燒得好靚,所以無幫手!
提提大家,燒烤拎嘢食嘅時候,記得戴口罩,先好出去!如果想買款有Cutting嘅型格口罩出席朋友眾會,不如試試諾翹嘅可重用防水口罩啦,包你圓臉變V面,人人都有女神面。想知佢點神奇?立即Click去Lockill 諾翹口罩產品專頁睇睇啦。
大尾篤麥師傅資料:可坐小巴巴士前往
● 電話:6488 8076
● 網址:www.taimeitukbbqking.com/index.htm
● 位置:大埔汀角村對面
● 地址:大埔汀角路地段202
● 前往方法:於大埔墟港鐵站乘75k巴士或20c專線小巴(汀角站落車)
如果你想最近香港有甚麼好玩,可以click入來看小編更多介紹!
![](https://good2share.app/wp-content/uploads/2020/05/money-mouth-face.jpg)
金巴利臣
一得閒就會四圍八,搵平嘢、搵好嘢,就算花時間都係值得。
熱門文章
最新文章
立即分享!
相關文章
流心奶黃月餅 食譜丨DIY自製流心奶黃月餅 新手都成功食譜 流心爆瀉
2024 年 9 月 3 日
中秋團圓飯2024丨 精選6間有圓枱中菜餐廳推介 附中秋晚飯菜單 米芝蓮粵菜/燒鵝 /咕嚕肉/ 炸子雞
2024 年 8 月 30 日