打完風仲有幾日雨
揀把神奇雨傘出街包你冇濕身
成日話「打風唔成三日雨」，相反颱風過後，局部地區性驟雨同雨勢更加唔穩定，如果有一把可以抵擋強風大雨或預知未來幾日天氣預報嘅神奇雨傘，出街就包你唔會變落湯雞啊！
1. 永遠不壞雨傘
荷蘭設計品牌 Senz 嘅雨傘，唔少人第一時間就會諗起日本頂級綜藝節目《矛盾對決》，皆因呢把雨傘兩次出現喺節目都大獲全勝，設計師希望設計出一把永遠不壞嘅雨傘，結果 Senz 獨有嘅不對稱設計，令它可抵抗 100km 強風而不損壞，神乎其技。除咗有實際作用之外，Senz 一反雨傘必是圓形嘅定律，佢不對稱嘅設計更係深深吸引一眾有品味嘅男士，亦因大成功同國際獲獎無數，亦為雨傘變得愈來愈有趣。
2. 唔會變濕雨傘
雨傘嘅最大功能係擋雨，所以佢會變濕，亦係好正常嘅事情。但 Unnurella 生產嘅號稱唔會濕，利用紡織科技及高密度嘅材料，開發出世界上防水性能最高嘅傘布，表面冇防水塗層，只靠傘布本身嘅密度隔絕雨水，只要定時用風筒吹至完全乾透就可保持機能，還可阻隔 99% 的紫外線。
3. 天氣預報智慧雨傘
落雨出街最怕大頭蝦漏低把遮喺商場或餐廳唔記得攞，甚至留低響邊都唔記得，呢把智慧雨傘除咗外形特別，內涵更係佢嘅優點，佢會智慧提示雨傘內置定位功能，只要你離開手機超過 10 米，手機便會即時發出聲響通知用家，並可利用手機 App 追蹤雨傘遺失嘅位置。相反，有時候唔見咗手機，用家亦可搖一搖把遮，手機便會發出聲響提示用家所在位置。佢內置藍牙 4.2 技術，用家下載手機 App 之後，開啟藍牙便能將手機同雨傘連接，發揮雨傘的智慧功能，當然仲有天氣預報提示，等你知道今日要唔要帶遮出街。
智慧雨傘四大功能：
i. 天氣預報 – 當連接到專用手機應用程式後，系統便會即時接收到當地未來一星期內嘅天氣情況，不論係咪落雨、落雪或 UV 強度等都一目了然，落雨更有亮燈提示，出街前只要睇睇有冇著燈，即可決定係咪需要帶遮出街。紅色代表陰天下雨，綠色代表天氣晴朗。出街前只要看看燈號，即可決定是否需要帶雨傘出街。
ii. 防止遺失提示功能 – 專屬嘅應用程式連結藍芽，離開連接嘅手機超過 10 米，藍芽連線會中斷，手機便會即時發出聲響作出通知，再透過應用程式可看到最後連線位置。
iii. 尋找手機定位功能 – 喺專屬嘅應用程式設定好尋找手機，反過來左右搖動智慧雨傘，隨著設定模式（鈴聲或震動）快速搜尋。
iv. 電話、訊息提醒功能 – 智慧雨傘內有感應器，撐傘時如果冇攞住手機、又怕聽唔到手機來電或訊息，喺撐傘時，手把會以震動提示電話同訊息。
產品規格：
材質：玻璃纖維、鋁合金、防水塗層布料，附有肩帶的雨傘套，攜帶便利
產地：韓國
重量：400g
內容物：智能雨傘 (不含電池)
使用電池：AAA (四顆)，可使用兩年
尺寸：傘身 86cm，全長 110cm
藍牙：Bluetooth4.2
